فرحان بن مساعد بن نومس
09-07-2010, 03:38 AM
بسم الله لرحمن الرحيم
لقد تشرف الشيخ مساعد بن زيدان بن حنس بن نومس واولاده واحفاده في يوم الخميس ليلة الجمعه الموافق26-27/7/1431
باقمت حفل بمناسبه زواج ابننا الشاب خلف بن فارس بن مساعد بن نومس في قصرليالي بحائل ولقد شرف الحفل عدد من الشيوخ وعلى راسهم وكيل شيخ شمل قبائل ولد سليمان من عنزه الشيخ فهد بن بدر العواجي والشيخ طلال بن صالح العواجي
رئيس مركز بيضاء نثيل وعدد من شيوخ و اعيان وابناء القبيله و وفود من القبائل من قبيلة شمر وبلي وحرب ولقد اقيم بهذه المناسبه امسيه شعريه نالت استحسان الجميع شارك فيها العديد من الشعراء وهم الشاعر محمد بن حريميس والشاعرسعود بن هندي والشاعرسلطان بن سعد والشاعر فريح بن ذياب والشاعرسلامه بن سالم وشاعر الدحه بشير بن فضى وكان عريف الامسيه الشاعر فرحان ابن مساعد
وقد القى عدد من القصائد كما القى قصيده ترحيبيه في هذه المناسب كما القيت القصيد ه التاليه ترحيبيه بالضيوف باسم والدى واخوانى
عم الفرح في يوم سته وعشرين=في وسط حايل مع حضور العشيره
رحبت بضيوفالفونا مهنين=يامرحبا بالربع من كل ديره
باسم ابو فارس والرجال الميامين=حياكم الله عد وبل المطيره
وحياكم الله يارجال الكريمين=يامرحبا باهل الوجيه السفيره
يامرحبا ترحيب من خاطرا زين=يصدح صدى صوته ويعلن بشيره
حياالله شيوخالفونا ملبين=الي لهم في ماضي الوقت سيره
سيرة كرم سيرة شجاعه من سنين=يوم البنادق والسيوف الشطيره
واخص ابو مجول طليق الحجاجين=وقفات ماتنسى لك الله كثيره
والشيخ ابن صالح وريث الشريفين=من ساس الامعط بالفعول الشهيره
عوجان وان رد النقاء والغا شين=خصيمهم يرجع ونفسه كسيره
شيوخ ذخر شيوخ مبطي وهالحين=ماتنهزم يوم القاءوالمغيره
وربعي عقب نومسى ارجالا عديمين=من ساس وايل درع شبه الجزيره
وربعي وانا منهم على العسر واللين=لباربالموقف عشير بعشيره
واليوم لدوله حزام ومطيعين=لحتم الواجب علينامصيره
الله يحييكم على الراس والعين=والله يجملنا بوجه العشيره
فرحت خلف عندي تساوي ملايين=ربي يجمعهم على كل خيره
من نسل اخوي الي له طيب تمكين=اطلب عزيزالملك ربي يجيره
اخترت منسب من ارجالا حشيمين=خوالي الشجعان درع وذخيره
واختامها صلو على ناصرالدين=على الرسول اعداد ما طار طيره
ثم القى الشاعرمحمد ابن حريميس النومسي قصيده ترحيبيه وهي
نقدم الترحيب باسمٍ شهرته=باسم ابو فارس بالتراحيب عبرت
واجب البي دعوته واعتبرته=اليادعاني جيت يمه وحضرت
بحفل العزيز اللي لنا زف كرته=رحبتبه قدام لانفتح الكرت
لبيت مندوبه وقار وشكرته=عن الحضور لدعوته ماتعاسرت
فوت القدم عن وصلته ماعذرته=حثيت له مشي القدم ماتعذرت
عن دعوته مد الوفاء ماقصرته=ولو ما حضرت لدعوته قلت قصرت
ابذله المجهود باللي قدرته=راع الوفا عن واجبه ماتأخرت
دربي عن طروق القدا ماعسرته=واللي دعاني جيتله ماتحيرت
وبعدها القى الشاعر سعود هندي النومسي
هذه القصيده
سلام الله على الضيفان واللي شبب الضيفان=مقاديم الرجال اللي عزيزات (ن)مباديها
اكرام(ن)من اكرام(ن)يذبحون الحيل والحشيان=مطاليق الوجيه اللي رفيعات(ن)مبانيها
هل الترحيب والتقديروالنخوات والعرفان=واخص الشيخ اخوربدا في اولها وتاليها
سليل المجد شيخ(ن)من مشايخنا وله ميزان=زعيم المرجله لاشك والطولات محريها
ابوفارس عسى عمره طويل مشرع البيبان=دواوينه تنادي للمسير مايناديها
رفيع الشان شيخ(ن)من شيوخ(ن)يرفعون الشان=بني نومس هل الطولات لاردت براويها
فهود(ن)من فهود(ن)يوم كسب المرجله بالزان=وشذرات السيوف اللي تخضب مع محانيها
مصاليف الرجال اللي اليامن راغت الاذهان=رجال(ن)تلطم الخصام وتاخذها وتعطيها
زمان السيف والفتيل والفريس والميدان=على قول المثل يوم اللقاء ماينفرح فيها
بعيدين الملامه والردا والطيب له عنوان=تواريخ الزمان اللي مضا تشهد لماضيها
حميدين السجايا مكرمين الضيف والجيران=وبيوت الصقري الشيخه شهاده عندقاريها
عزيزين الموارث من موارث ترثت الويلان=قويين العزوم اللي تشرفني معانيها
رحيبين الصدور وزبن للي دور المزبان=حصون(ن)عن جليد الوقت دافيتن مذاريها
وعن لاهب هجير الصيف مثل الفى والديوان=ظلال(ن)يرفع الهامات واهل الهون يخزيها
الايعز منهي فزعته لاضاقت الديان=في ايام(ن)مشاميخ الذرى تنكر مراعيها
مصاطير الرجال اللي يدركون الطيب والشيخان=هل الطولات والهقوات ماتقصر هقاويها
وعسى ربي يدوم العزللي ساوو العربان=مليك المملكه واخوانه اللي حي طاريها
على نهج الامام لعادل اللي ثبت البنيان=مولف بين عدوان (ن)تذابح في مفاليها
عساه بجنة الفردوس بين الخلد والرضوان=في اعلا منزله بين الرسل واللي يواليها
واختمها بذكر اللي بيده العفو والغفران=عليم الغيب واسراره وغرات(ن)نخفيها
كما القى الشاعرسلطان بن سعدالنومسي القصيده التاليه
خلف خلف تشرفنا وانا شاعر رفيع حجاج=انا مبطي رفيع حجاج وحفلك يرفع حجاجي
يشرفني زفافك لجل هذا جيت لك سجاج=وقافي جود احزامه بركبيه وسجاجي
ذلول الشعر رويت من زلال ومن بطن هداج=ومن تيماء امتطاها القاف وبحفل الحنس داجي
سلام الله سلامٍ من صميم القلب ثار وراج=سلام نيابةٍ عني يقبل فارس بتاجي
سلامٍ طيب من طيبه تفجر ساعة المخراج=وانا سيده وعرف اليوم مدخالي ومخراجي
سلام الفارس مساعد وصل ماعاد راغ ولاج=على درب السراط وبالشرف زاهي ولا لاجي
ومن بعد السلام اسمع يافارس نبذة المنهاج=لا والله زانلي طاروق قافي وقت منهاجي
ابمدح حضرتك وانته غني للمدح ماتحتاج=اقوله مالي الحاجه ولا بنيات محتاجي
شجاع وللشجاعه سيد وايضا لك بها معراج=على صوب العلا ترقا بعز وطيب معراجي
شجاع ومن نسل شيخٍ بحصن العز شب سراج=هذاك الشيخ ابو فارس بنور العز سراجي
هذاك الشيخ ابو فارس بوجهه للدخيل افراج=يزبن من دخل بحماه ويبشر بالافراجي
اليامن انتخى بخته هياء ثم احتزم ثم داج=يدوس القاله الكبرى على القالات دواجي
سلايل من يرد اعداه يومن الجيوش افواج=اخو ربدا ماحسب للعداء بجموع وافواجي
سلايل من رجع من دونه الغازي عقب ماهاج=تردت هقوته ماحصل لرغباته انتاجي
سلايل من ذلوله بالشرف نالت وسام وتاج=بميدان الشرف يوم العواجي صوبه يناجي
اقدام الجيش والفارس ابيرق عزته لعاج=اقوله والخبر تصدر محطاته من عواجي
وصلى الله عدد من زار مكه نيته حجاج=على محمد عدد من بالحرم لبى وحجاجي
كما القى الشاعرفريح بن ذياب النومسي القصيده التاليه
بدايه ياسلام الله على اهل الحفل والحضار=سلام (ن)من هجوس(ن)ما يعرف الكذب والنمه
وانا شاعر وفني للبيوت المبهمه بيطار=جزيل الشعراعشقه مستعد ارقى به القمه
اخاف الله وجنب عن بيوتا تلفت الانظار=ترى الشاعرماحسب عن كلاما ينطقه فمه
ليامنا تطرقنا المدح مانمدح الاالخيار=ترى مدح الردي مايجيب غير الهم والغمه
حرام امدح ردي مهما يكون الي فعل هو صار=ترىمدحة ردي الساس ماترفع له الهمه
ولايمدح ردي الساس غير ترى الشاعر الثرثار=لابو شعره ولابو من سمع شعره ولتفت يمه
وانا شاعر ولي اسلوب غير من العرب شعار=وكلن حسب معروفه وفهمه يارد الجمه
سلام الله على شيخ (ن)ولد شيخ (ن)ونسل احرار=وراثه شيخته من عصر ابوه وجده وعمه
ماهي شيخة دراهم زودوها بعملة الدولار=لبس هاك العباه وطاويا من فوقها العمه
لاوالله شيخة(ن)يومنها بارود وصلي النار=عبوس قمطرير يعرف الطيب من الرمه
ابن زيدان زيزوم المهمه طيب الاذكار=لنا قايد وحنا له زناد ونطلع القمه
ليا منه وصلها القاف قامت تكثر الافكار=افعولا واجده لعدة التاريخ ومهمه
ولو عددتها من كثرها فيها الفكر يحتار=ولاتحصى افعول اهل الوفاء وطيب واليمه
ولآياشيخا والله العظيم لك عندنا مقدار=ومن ماقدرك خله يعض ضلع ويخمه
ولكن اختصرها بكلمتين بوافي الاشبار=ابو فارس جبل راسي تهز الريح ماتهمه
وبعد ذلك القى الشاعر سلامه بن سالم النومسي
القصيده التاليه
باسمك يابو فارس غدا الحفل حفلين=وغنت على طاريك حلو القصيده
ياشيخ ياشامخ ويابن المسمين=ويابن حنس عزالله انك وليده
يالقاسي العاصي وياصاحب الين=مواقفك بالطيب ماهي جديده
رقيت بالعليا قبل سن عشرين=وخذتها يوم الليالي عنيده
اسهرت عينك والعرب مستريحين=حتى غدا ماضيك ذكرى وحيده
وانا لو اكتب فيك تسعه وتسعين=اتعب قصيده فيك واتعب نشيده
وياشيخ تسمح لي برحب ملايين=وخص فارس مع خلف والحفيده
وجميع ماجانا من يسار ويمين=يامرحبا وحساس قلبي اكيده
اعداد مايذكر وما شافت العين=ترحيبت(ن) مثل ضحى يوم عيده
والحفله الي جمعت بين غالين=حفلت خلف فارس عساها سعيده
مبروك ومبارك لكم ياشريفين=ياهلا الزعامه والفعول السديده
من قلب صافي كنه البدر بزين=راعيه متحفض ولاحد(ن) يصيده
صدوق باترحيب حسب العناوين=والصدق عنوانه ومنبع وريده
وانا احمد الله عيدنا صار عيدين=والصدق عنوانه ومنبع وريده
لوحفلكم بجنيف والابكين=شعور مااقدر اوصفه من مزيده
واجب علينا وصلكم يالحاشيمين=قريب والامن مسافه بعيده
والحمدالله عيدنا صار عيدين=والله يجمعنا على مايريده
وارجو السموحه كان حنا ثقيلين=وعن الخطا عسر المشاعر بعيده
وختامها صلو على صاحب الدين=المصطفى الي نتبعه بالعقيده
وبعد ذلك القى الشاعر عيسى بن مساعد النومسي
القصيده التاليه
سلام الله وقبل مبدى اسمي باسم الله الرحمن=وبعد البسمله بكمل سلامي يم داعيها
سلام الله على ربعي وربعي شانهم له شان=سلاما من هجوسا وافتخر لاجيت ابلقيها
ومن بعد السلام ابد بترحيبي على الشجعان=ابارحب وبا اهلي وببدا في معانيها
هلا يامحبا ترحيبتامن خاطرا شفقان=باشوف اوجيه قوما ما ينوش الذل طاريها
هلا بعيال نومس مكرمين الجار والضيفان=هلا بالعزوه الي عزها الله من مباديها
هلا بعيال عمي ساس جدي من ضنا سليمان=اهلا باولاد وايل عزوتي تدحم معاديها
ليامن صاحت العذراء تناخو ربعي الويلان=تداحمنا على حياض المنايا مانخليها
واليامن ثارت الهيه دخلنا ساحت الميدان=على اظهور الاصايل والسيوف الجرد نرويها
نخوض المعركه بصوت واحد والسطر عنوان=سطارتنا سطاره يعجز التاريخ يحميها
ودايم خصمنا يطلع من ارض المعركه خسران=يعاف الحرب ويعاف الحرابه مايدانيها
ولامنا غزينا غزونا يروي ضما العطشان=نبل اكبودنا بالدم الاحمر لين نرويها
ولانشرب هماج الماء ولامغثرب تقل قطران=قراح ازلال نشرب من غزيرالماء وصافيها
وفزعتنا ليامنه نصاما واحدامنهان=يشوف العز بعيونه وحاجاته نلبيها
وكرمنا والكرم لله وافي مايجي نقصان=كرمنا واضح فينا بحاضرها وماضيها
وش اذكر ويش اخلي بعنزه من ماضي الازمان=والى هالحين وربوعي على ماهم بعاليها
وحاضرنا ينومسنا وابيكم تسمعون الان=عن الحكم السعودي واخو نوره يوم يرسيها
حدود المملكه من حد رفحاء لاجبل دخان=ومن عرعرالى الطائف مع باقي ضواحيها
ومن حد البحر جده لما تاقف على ظهران= وهي دوله سعوديه كل الخير كاسيها
وقبل مااختم كل القبايل مابها حقران=قبل مانهي قصيدي القبايل حقها فيها
وبعد ذلك توالت فقرات الحفل من الموروث الشعبي والعرضه السعوديه
وشارك فيها العديد من الشعراء
منقول من شبكه النوامسه الرسميه
اتمنى ان ينال اعجابكم
ودامت الافـــــــــراح
لقد تشرف الشيخ مساعد بن زيدان بن حنس بن نومس واولاده واحفاده في يوم الخميس ليلة الجمعه الموافق26-27/7/1431
باقمت حفل بمناسبه زواج ابننا الشاب خلف بن فارس بن مساعد بن نومس في قصرليالي بحائل ولقد شرف الحفل عدد من الشيوخ وعلى راسهم وكيل شيخ شمل قبائل ولد سليمان من عنزه الشيخ فهد بن بدر العواجي والشيخ طلال بن صالح العواجي
رئيس مركز بيضاء نثيل وعدد من شيوخ و اعيان وابناء القبيله و وفود من القبائل من قبيلة شمر وبلي وحرب ولقد اقيم بهذه المناسبه امسيه شعريه نالت استحسان الجميع شارك فيها العديد من الشعراء وهم الشاعر محمد بن حريميس والشاعرسعود بن هندي والشاعرسلطان بن سعد والشاعر فريح بن ذياب والشاعرسلامه بن سالم وشاعر الدحه بشير بن فضى وكان عريف الامسيه الشاعر فرحان ابن مساعد
وقد القى عدد من القصائد كما القى قصيده ترحيبيه في هذه المناسب كما القيت القصيد ه التاليه ترحيبيه بالضيوف باسم والدى واخوانى
عم الفرح في يوم سته وعشرين=في وسط حايل مع حضور العشيره
رحبت بضيوفالفونا مهنين=يامرحبا بالربع من كل ديره
باسم ابو فارس والرجال الميامين=حياكم الله عد وبل المطيره
وحياكم الله يارجال الكريمين=يامرحبا باهل الوجيه السفيره
يامرحبا ترحيب من خاطرا زين=يصدح صدى صوته ويعلن بشيره
حياالله شيوخالفونا ملبين=الي لهم في ماضي الوقت سيره
سيرة كرم سيرة شجاعه من سنين=يوم البنادق والسيوف الشطيره
واخص ابو مجول طليق الحجاجين=وقفات ماتنسى لك الله كثيره
والشيخ ابن صالح وريث الشريفين=من ساس الامعط بالفعول الشهيره
عوجان وان رد النقاء والغا شين=خصيمهم يرجع ونفسه كسيره
شيوخ ذخر شيوخ مبطي وهالحين=ماتنهزم يوم القاءوالمغيره
وربعي عقب نومسى ارجالا عديمين=من ساس وايل درع شبه الجزيره
وربعي وانا منهم على العسر واللين=لباربالموقف عشير بعشيره
واليوم لدوله حزام ومطيعين=لحتم الواجب علينامصيره
الله يحييكم على الراس والعين=والله يجملنا بوجه العشيره
فرحت خلف عندي تساوي ملايين=ربي يجمعهم على كل خيره
من نسل اخوي الي له طيب تمكين=اطلب عزيزالملك ربي يجيره
اخترت منسب من ارجالا حشيمين=خوالي الشجعان درع وذخيره
واختامها صلو على ناصرالدين=على الرسول اعداد ما طار طيره
ثم القى الشاعرمحمد ابن حريميس النومسي قصيده ترحيبيه وهي
نقدم الترحيب باسمٍ شهرته=باسم ابو فارس بالتراحيب عبرت
واجب البي دعوته واعتبرته=اليادعاني جيت يمه وحضرت
بحفل العزيز اللي لنا زف كرته=رحبتبه قدام لانفتح الكرت
لبيت مندوبه وقار وشكرته=عن الحضور لدعوته ماتعاسرت
فوت القدم عن وصلته ماعذرته=حثيت له مشي القدم ماتعذرت
عن دعوته مد الوفاء ماقصرته=ولو ما حضرت لدعوته قلت قصرت
ابذله المجهود باللي قدرته=راع الوفا عن واجبه ماتأخرت
دربي عن طروق القدا ماعسرته=واللي دعاني جيتله ماتحيرت
وبعدها القى الشاعر سعود هندي النومسي
هذه القصيده
سلام الله على الضيفان واللي شبب الضيفان=مقاديم الرجال اللي عزيزات (ن)مباديها
اكرام(ن)من اكرام(ن)يذبحون الحيل والحشيان=مطاليق الوجيه اللي رفيعات(ن)مبانيها
هل الترحيب والتقديروالنخوات والعرفان=واخص الشيخ اخوربدا في اولها وتاليها
سليل المجد شيخ(ن)من مشايخنا وله ميزان=زعيم المرجله لاشك والطولات محريها
ابوفارس عسى عمره طويل مشرع البيبان=دواوينه تنادي للمسير مايناديها
رفيع الشان شيخ(ن)من شيوخ(ن)يرفعون الشان=بني نومس هل الطولات لاردت براويها
فهود(ن)من فهود(ن)يوم كسب المرجله بالزان=وشذرات السيوف اللي تخضب مع محانيها
مصاليف الرجال اللي اليامن راغت الاذهان=رجال(ن)تلطم الخصام وتاخذها وتعطيها
زمان السيف والفتيل والفريس والميدان=على قول المثل يوم اللقاء ماينفرح فيها
بعيدين الملامه والردا والطيب له عنوان=تواريخ الزمان اللي مضا تشهد لماضيها
حميدين السجايا مكرمين الضيف والجيران=وبيوت الصقري الشيخه شهاده عندقاريها
عزيزين الموارث من موارث ترثت الويلان=قويين العزوم اللي تشرفني معانيها
رحيبين الصدور وزبن للي دور المزبان=حصون(ن)عن جليد الوقت دافيتن مذاريها
وعن لاهب هجير الصيف مثل الفى والديوان=ظلال(ن)يرفع الهامات واهل الهون يخزيها
الايعز منهي فزعته لاضاقت الديان=في ايام(ن)مشاميخ الذرى تنكر مراعيها
مصاطير الرجال اللي يدركون الطيب والشيخان=هل الطولات والهقوات ماتقصر هقاويها
وعسى ربي يدوم العزللي ساوو العربان=مليك المملكه واخوانه اللي حي طاريها
على نهج الامام لعادل اللي ثبت البنيان=مولف بين عدوان (ن)تذابح في مفاليها
عساه بجنة الفردوس بين الخلد والرضوان=في اعلا منزله بين الرسل واللي يواليها
واختمها بذكر اللي بيده العفو والغفران=عليم الغيب واسراره وغرات(ن)نخفيها
كما القى الشاعرسلطان بن سعدالنومسي القصيده التاليه
خلف خلف تشرفنا وانا شاعر رفيع حجاج=انا مبطي رفيع حجاج وحفلك يرفع حجاجي
يشرفني زفافك لجل هذا جيت لك سجاج=وقافي جود احزامه بركبيه وسجاجي
ذلول الشعر رويت من زلال ومن بطن هداج=ومن تيماء امتطاها القاف وبحفل الحنس داجي
سلام الله سلامٍ من صميم القلب ثار وراج=سلام نيابةٍ عني يقبل فارس بتاجي
سلامٍ طيب من طيبه تفجر ساعة المخراج=وانا سيده وعرف اليوم مدخالي ومخراجي
سلام الفارس مساعد وصل ماعاد راغ ولاج=على درب السراط وبالشرف زاهي ولا لاجي
ومن بعد السلام اسمع يافارس نبذة المنهاج=لا والله زانلي طاروق قافي وقت منهاجي
ابمدح حضرتك وانته غني للمدح ماتحتاج=اقوله مالي الحاجه ولا بنيات محتاجي
شجاع وللشجاعه سيد وايضا لك بها معراج=على صوب العلا ترقا بعز وطيب معراجي
شجاع ومن نسل شيخٍ بحصن العز شب سراج=هذاك الشيخ ابو فارس بنور العز سراجي
هذاك الشيخ ابو فارس بوجهه للدخيل افراج=يزبن من دخل بحماه ويبشر بالافراجي
اليامن انتخى بخته هياء ثم احتزم ثم داج=يدوس القاله الكبرى على القالات دواجي
سلايل من يرد اعداه يومن الجيوش افواج=اخو ربدا ماحسب للعداء بجموع وافواجي
سلايل من رجع من دونه الغازي عقب ماهاج=تردت هقوته ماحصل لرغباته انتاجي
سلايل من ذلوله بالشرف نالت وسام وتاج=بميدان الشرف يوم العواجي صوبه يناجي
اقدام الجيش والفارس ابيرق عزته لعاج=اقوله والخبر تصدر محطاته من عواجي
وصلى الله عدد من زار مكه نيته حجاج=على محمد عدد من بالحرم لبى وحجاجي
كما القى الشاعرفريح بن ذياب النومسي القصيده التاليه
بدايه ياسلام الله على اهل الحفل والحضار=سلام (ن)من هجوس(ن)ما يعرف الكذب والنمه
وانا شاعر وفني للبيوت المبهمه بيطار=جزيل الشعراعشقه مستعد ارقى به القمه
اخاف الله وجنب عن بيوتا تلفت الانظار=ترى الشاعرماحسب عن كلاما ينطقه فمه
ليامنا تطرقنا المدح مانمدح الاالخيار=ترى مدح الردي مايجيب غير الهم والغمه
حرام امدح ردي مهما يكون الي فعل هو صار=ترىمدحة ردي الساس ماترفع له الهمه
ولايمدح ردي الساس غير ترى الشاعر الثرثار=لابو شعره ولابو من سمع شعره ولتفت يمه
وانا شاعر ولي اسلوب غير من العرب شعار=وكلن حسب معروفه وفهمه يارد الجمه
سلام الله على شيخ (ن)ولد شيخ (ن)ونسل احرار=وراثه شيخته من عصر ابوه وجده وعمه
ماهي شيخة دراهم زودوها بعملة الدولار=لبس هاك العباه وطاويا من فوقها العمه
لاوالله شيخة(ن)يومنها بارود وصلي النار=عبوس قمطرير يعرف الطيب من الرمه
ابن زيدان زيزوم المهمه طيب الاذكار=لنا قايد وحنا له زناد ونطلع القمه
ليا منه وصلها القاف قامت تكثر الافكار=افعولا واجده لعدة التاريخ ومهمه
ولو عددتها من كثرها فيها الفكر يحتار=ولاتحصى افعول اهل الوفاء وطيب واليمه
ولآياشيخا والله العظيم لك عندنا مقدار=ومن ماقدرك خله يعض ضلع ويخمه
ولكن اختصرها بكلمتين بوافي الاشبار=ابو فارس جبل راسي تهز الريح ماتهمه
وبعد ذلك القى الشاعر سلامه بن سالم النومسي
القصيده التاليه
باسمك يابو فارس غدا الحفل حفلين=وغنت على طاريك حلو القصيده
ياشيخ ياشامخ ويابن المسمين=ويابن حنس عزالله انك وليده
يالقاسي العاصي وياصاحب الين=مواقفك بالطيب ماهي جديده
رقيت بالعليا قبل سن عشرين=وخذتها يوم الليالي عنيده
اسهرت عينك والعرب مستريحين=حتى غدا ماضيك ذكرى وحيده
وانا لو اكتب فيك تسعه وتسعين=اتعب قصيده فيك واتعب نشيده
وياشيخ تسمح لي برحب ملايين=وخص فارس مع خلف والحفيده
وجميع ماجانا من يسار ويمين=يامرحبا وحساس قلبي اكيده
اعداد مايذكر وما شافت العين=ترحيبت(ن) مثل ضحى يوم عيده
والحفله الي جمعت بين غالين=حفلت خلف فارس عساها سعيده
مبروك ومبارك لكم ياشريفين=ياهلا الزعامه والفعول السديده
من قلب صافي كنه البدر بزين=راعيه متحفض ولاحد(ن) يصيده
صدوق باترحيب حسب العناوين=والصدق عنوانه ومنبع وريده
وانا احمد الله عيدنا صار عيدين=والصدق عنوانه ومنبع وريده
لوحفلكم بجنيف والابكين=شعور مااقدر اوصفه من مزيده
واجب علينا وصلكم يالحاشيمين=قريب والامن مسافه بعيده
والحمدالله عيدنا صار عيدين=والله يجمعنا على مايريده
وارجو السموحه كان حنا ثقيلين=وعن الخطا عسر المشاعر بعيده
وختامها صلو على صاحب الدين=المصطفى الي نتبعه بالعقيده
وبعد ذلك القى الشاعر عيسى بن مساعد النومسي
القصيده التاليه
سلام الله وقبل مبدى اسمي باسم الله الرحمن=وبعد البسمله بكمل سلامي يم داعيها
سلام الله على ربعي وربعي شانهم له شان=سلاما من هجوسا وافتخر لاجيت ابلقيها
ومن بعد السلام ابد بترحيبي على الشجعان=ابارحب وبا اهلي وببدا في معانيها
هلا يامحبا ترحيبتامن خاطرا شفقان=باشوف اوجيه قوما ما ينوش الذل طاريها
هلا بعيال نومس مكرمين الجار والضيفان=هلا بالعزوه الي عزها الله من مباديها
هلا بعيال عمي ساس جدي من ضنا سليمان=اهلا باولاد وايل عزوتي تدحم معاديها
ليامن صاحت العذراء تناخو ربعي الويلان=تداحمنا على حياض المنايا مانخليها
واليامن ثارت الهيه دخلنا ساحت الميدان=على اظهور الاصايل والسيوف الجرد نرويها
نخوض المعركه بصوت واحد والسطر عنوان=سطارتنا سطاره يعجز التاريخ يحميها
ودايم خصمنا يطلع من ارض المعركه خسران=يعاف الحرب ويعاف الحرابه مايدانيها
ولامنا غزينا غزونا يروي ضما العطشان=نبل اكبودنا بالدم الاحمر لين نرويها
ولانشرب هماج الماء ولامغثرب تقل قطران=قراح ازلال نشرب من غزيرالماء وصافيها
وفزعتنا ليامنه نصاما واحدامنهان=يشوف العز بعيونه وحاجاته نلبيها
وكرمنا والكرم لله وافي مايجي نقصان=كرمنا واضح فينا بحاضرها وماضيها
وش اذكر ويش اخلي بعنزه من ماضي الازمان=والى هالحين وربوعي على ماهم بعاليها
وحاضرنا ينومسنا وابيكم تسمعون الان=عن الحكم السعودي واخو نوره يوم يرسيها
حدود المملكه من حد رفحاء لاجبل دخان=ومن عرعرالى الطائف مع باقي ضواحيها
ومن حد البحر جده لما تاقف على ظهران= وهي دوله سعوديه كل الخير كاسيها
وقبل مااختم كل القبايل مابها حقران=قبل مانهي قصيدي القبايل حقها فيها
وبعد ذلك توالت فقرات الحفل من الموروث الشعبي والعرضه السعوديه
وشارك فيها العديد من الشعراء
منقول من شبكه النوامسه الرسميه
اتمنى ان ينال اعجابكم
ودامت الافـــــــــراح