:: كرام اللحى ما هم لفيفه وكيشه ::

[محمد بن دوهان]

بسم الله الرحمن الرحيم
أعز خلق الله ، السلام عليكم ورحمة الله وبركاته ..


يسعدني في هذا اليوم المبارك أن أنقل لكم هذه القصيدة الكريمة التي قالها الشاعر سامي الرويلي في منتديات العبار موجهها لشاعر قبيلة عنزة الأديب عبدالله بن عبار ورده حفظه الله عليه ومن ثم مجاراتي لهما :

قال الأخ سامي الرويلي :





حييت يالمنعـور يانسـل الأجـواد=ما غرنا سـرد الهلايـب وطيشـه
عبـدالله العبـار للطيـب معـتـاد=نوفـه بعيـد ولا يحيلـون قيشـه
ربعك هل الجدعا يضدون الأضـداد=الذيب الأمعط ضفها تحـت ريشـه
وربعك هل العرفا هم سـم الأكبـاد=ما كادهم كثـر المعـادي وجيشـه
وربعك هل العليا صعاصيـع الأولاد=( كرام اللحا ما هم لفيفه وكيشـه )
وإخوان بتـلا بالفخـر صيتهـم زاد=حكام مـن حكـام ماهـم لشيشـه
هيه .. ياللي لانساب الأجواد جـلاد=وش غيّكم يا اهل القلوب الغشيشـه
حنا عنزة لـو إنّـا بـدار الأكـراد=وحنا عنزه ,, لو انّا ورى ديار بيشه







يتبع ..

[محمد بن دوهان]

وقد رد عليه شاعر قبيلة عنزة وأديبها الأستاذ عبدالله بن عبار بالأبيات التالية :



مشكور يا سامي على نصح وأرشاد =حيثك نصحت أهل العقول الخريشه
يالـوايـلي ما سبني كـود الأوغـاد =سود القـلـوب مروجين الحشيشه
ما همني أهل الدسايس والأنكـاد =ولا اشكل عليه هذرمـة كـل خيشه
ما ناجح الا لـه مـع النـاس حسّاد =بالواقع اللي يا أبن وايل نعيشه
ما دام دربي يا فتى الجود مسناد =وقفلت عن لوم العـفـون الـدريشه
أمدح بني وائل على روس الأشهاد =يوم ادبحوا أهل الضلوع الهشيشه
الـحـر الأشـقـر للجـزيـلات صيـّاد =وطيـر الـرخـم تلقـاه عنـد الوليشه
عـنـّاز مـا تـقـبـل بتغييـر الأجـداد =حصن الرمك ماهم سلايل كديشه



يتبع ..

[محمد بن دوهان]

وقد جاريتهم وفقهم الله بهذه الأبيات التالية :



يـا مـن لقلـبٍ عليـلٍ ومنكـاد=كنّت به الونّات وأدمـت جهيشـه
قلب العنا ما هو بعن لابتـه صـاد=لو هم تردّوا وإتّلـوا كـل هيشـه
وحياة منهم بوسط الألحاد رقـاد=هل الصخى وأهل الوجيه البهيشه
إنّا لهـم حيـدٍ حَديـدٍ ولا يحـاد=ولا تصرمه حدب السيوف الرهيشه
وألا إنت حرٍ يرهبـك كـل صيـاد=يا نافل الجيليـن صفـوة دغيشـه
يفداك من هـو لأرذل القـول رداد=أللي على فعول الردى مستهيشـه
ويفداك من هو لأسود الوجه حمّاد=أللي على الفسله تعاقـب طريشـه
ويفداك من هو لأهل الجود جحـاد=أللي على ربعه تطـارخ شبيشـه
ولا همني من زعل ومن كان نقّاد=بوقت اللقى حنا عزوة حناتيشه





وسلامتكم جميعاً ودمتم بخير وعافيه وبستره وعفوه ورضاه وبرعايته وحفظه دوماً وأبداً يا أعز خلق الله ..



أخوكم ومحبكم والفخور بكم

أبو عبدالعزيز

[منصوربن عبدالرزاق الفاعور]

صح الله لسان الشاعر سامي الرويلي والشاعر عبدالله العبار وصح الله لسانك ابو عبدالعزيز
ويستاهل ابن عبار القصيده

[ابو شامه]

يعطيك العافيه
راقي

[فيصل العنزي]

يستاهل ابو مشعل وهذا واجب علينا كلنا وله الشكر والتقدير
والف شكر للشاعر سامي الرويلي
موصولا لابوعبدالعزيز على المجاراة اللتي فعلا في محلها
وصح لسانكم جميعا

[محمد بن دوهان]

الإخوة الكرام منصور بن عبدالرزاق الفاعور والأخ خالد عضيب أبو وليد والأخ فيصل بن ذياب بن عرجى ..

كل الشكر والتقدير لكم ولمروركم الكريم وتعليقاتكم المشرفة والكريمة ..

وأبو مشعل يستحق كل الفخر والشكر والتقدير والثناء على كل ذلك العطاء والبذل الذي كرس له عمره الذي أفناه وجهده الذي أضناه بالبحث والتحري وتوثيق كل ما كان عن قبيلة عنزة من نسب ومورورث لمشائخها وأمراءها وفرسانها وسراتها حتى أنك لو سألته حفظه الله عن أي عائلة من عنزة لأورد لك تفاصيل نسبها ما شاء الله عليه عكس من يدعون أنهم له ند وجعلوا من أنفسهم له ضد ، ويحاولون أن يوهموا الناس أنهم البديل عنه وهم كالذي يقول للناس أنه يجيد عسف الخيل ولكنه بنفس الوقت يخاف من صهيلها أو كالذي يقول للناس أنه فارس مغوار ويعتد بنفسه ويحاول أن يقنع أفراد قبيلته بأنه هو حامي الحمى وهو لا يقرب المراعي ولا يقترب منها ولايخرج من وسط البيوت وإذا أتت الغارة إختبئ مع النساء والصبيان وأخذ بالصياح معهن ينخي الفرسان ويقول زغرتن ياحريم ، ولكن ما نعرفه أن النساء وقت الغارة يزغرتن للفرسان ويفرعن لهم ولكنه هو لا يعلم أين يختبىء وتضيق به الوسيعة ويبدى يتحجج إما بالمرض والعله أو إنه يبدأ بالبكى والعويل ويدعي على نفسه بالثبور والويل وقطعة الحيل أو كالذي يضع العليق لفرسه والخيل مغيره بحجة إن فرسه جيعانه ..


فبارك الله فيكم ويسر لنا ولكم الخير كله وأدامنا وإياكم على الهدى والصلاح والكلمة الطيبة التي يحبها الله ورسوله صلوات الله وسلامه عليه وبستره ورحمته حتى نلقى وجه الكريم .

محبكم والفخور بكم أجمعين

[عايش بن ساير الشحيتان]

صح الله لسنتكم يالويلان
مبدع يابو عبدالعزيز

[فواز الشويكي]

ما شاء الله ابو عزوز
اثرك شاعر ما انت بسيط
كفو
والنعم
وصح لسانكم جميعا

[عبدالعزيز المعني]

صح لسانكم ع الابيات الجزله

[محمد بن دوهان]

Quote:
المشاركة الأصلية كتبت بواسطة عايش بن ساير الشحيتان http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=25889#post25889)
صح الله لسنتكم يالويلان
مبدع يابو عبدالعزيز



الأخ العزيز عايش بن ساير الشحيتان كل الشكر والتقدير لك ولمرورك الكريم وقمة الإبداع هو وجودك يا راع العليا .

[محمد بن دوهان]

Quote:
المشاركة الأصلية كتبت بواسطة فواز الشويكي http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=25897#post25897)
ما شاء الله ابو عزوز
اثرك شاعر ما انت بسيط
كفو
والنعم
وصح لسانكم جميعا



هلا بالأخ والصديق العزيز أبو أحمد والبركة فيك يا ابن الكرام الأعزاء وبمثلك نرفع الرآس ونعتز ، وصح بدنك ياعزيزي وبارك الله فيك ..

[محمد بن دوهان]

Quote:
المشاركة الأصلية كتبت بواسطة عبدالعزيز المعني http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=25906#post25906)
صح لسانكم ع الابيات الجزله



صح لسانك يا عشير النشاما وسلمك الله ياعزيز الساس .. وإستلم هالبيتين أللي تعبر لك عن مدى شرهتي على أللي مثلك وشرواك..

لا تطوّل الغيبات يا أبو أحمد= عليك من البعد منقادي
بشرواك يا صاحبي نعتد=ياللي على الطيب معتادي

[محمد عسكر]

صح لسان الشعار وصح لسانك أبو عبدالعززيز ..
قصائد جميلة وأبيات رائعة ..
تحياتي

[محمد عسكر]

نسيت أقول حق أبو أحمد فواز الشويكي ..
ابن دوهان من يومه وهو شاعر شكلك نسيت أيام المجالس اللي تسكرت.. :)

[محمد بن دوهان]

صح بدنك يالغالي وبيض الله وجهك يالعزوة ..

عز الله ما قصرت بخيي فواز ..

ولكن تدري بخير مانبي نلومه الكبر شين يا أبو عسكر وسوالفك هذي مبطية كم لها سنة ..

وتصدق بالله إني ناسي قصيدتي با أبو الفوز ولسوء الحظ بحثت عنها أكثر من مرة وما لقيتها لعله هو محتفظ بها ..

ولا ظنتي إنه محتفظ بها ..
خيي وأعرفه زين ينسى عشاه البارح ..

:):):)

تحياتي لك يا أبو عسكر ذكرتنا بأيام الفرح والوناسة عسى أيامك كلها فرح وسرور..

[متعب عبدالهادي الفققي]

الي قال لضناعبيد كيشه من الذي يديرون منتديات يريدنا نقتبس منها الاخ ابو متعب معلومات الانساب ولا اجل الشبكه تصبح خفيفه الحمل : صح لسان الشاعر الرويلي والاخ بن دوهان

[محمد بن دوهان]

عنزة هم عنزة أينما كانوا كما قال سامي الرويلي ونحيي راع العليا وجميع قبيلة الرولة على وقفاتهم البطولية المستمرة في كل مكان وزمان ونثمن هذه الوقفة البطولية..

وصح بدنك طال عمرك وسلمك الله يا أبو عبدالله وأبقاك على العز والمعزة يا عزيزي .

[محمد عسكر]

أي يابو عبدالعزيز أذكرك ترى ماني بناسي :)
وأعتقد كان فيه أيضا قصيدة صلح مادري اتفاقية شيء من هذا القبيل ..

[محمد بن دوهان]

Quote:
المشاركة الأصلية كتبت بواسطة محمد عسكر http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=26086#post26086)
أي يابو عبدالعزيز أذكرك ترى ماني بناسي :)
وأعتقد كان فيه أيضا قصيدة صلح مادري اتفاقية شيء من هذا القبيل ..



الأخ العزيز أبو عسكر تتمتع بذاكرة أوريجنال أوريجنال
:):):)

والله العظيم ياعزيزي إني ناسي هالقصايد وأتمنى إذا تعرف منها أي بيت إنك تذكرنا فيها يا ذاكرة السبعة الأدبية والفكرية..

ما شاء الله عليك تبارك الرحمن

لا يروح يصير بك خلاف أو تفقد الذاكرة وعقب تبلاني بعمرك ويجون يطالبوني ..

بس إنتبه وأنا بناخيك ترى فيه عائلة من هالسبعه والله إنهم مايلحقون الحوار أمه ، إنتبه لا يدرون بك ..
:):):)


شكل أبو أحمد ما شاف كلامنا ولا مرّ على هالموضوع إلى الآن
:):):)

[محمد عسكر]

الله يكافينا شرّ عيونهم حنا بلياهم ذاكرة نص كم ورجل والقبر.. :)
عموماً لا ترمي الكرة بملعبي يا أبو عبدالعزيز حفظ ماني حافظ لكن شبه متأكد أنه كانت لك قصيدة نارية بخصوص أندماج أو صلح أو اتفاقية ..
وبعد القصيدة بفترة كتبت أنت موضوع طويل عن آلية المجالس كردة فعل عن المهازل التي حصلت .. :)
ابن دوهان بيض الله وجهك وتحياتي لك ولأخي أبو أحمد..