راحو اهل المواقف في تذاكر عبور

[مقبل الرماحي]

شريف الخالدي

المعاني جديده وسمعو ياحضـور=شاعر(ن) ابدع القيفان واقولهـا
الرماحي اعرفه بالمواقف جسور=من رجال(ن) علوم الطيب وصلولها

مقبل الرماحي

مرحبا ياهلا نقولها في ســرور=والعلوم اللي تبغا جــــاك مرسولهـا
خالدي والخوالد كلبوهم صقور=يوم دور المعارك تسرج اخيولـــها

شريف الخالدي

يالرماحي اشوف البعض فيهم غرور=ويدعي بالــــوفا ويقلد ازحولها
مار عند اللوازم مايفيد معثـــــــــــور=بالمواقف علومه ضاع مفعولها

مقبل الرماحي

السنين الاخيره من حدور بحـــدور=واستوى راسها يالذيب وارجولها
وانت يالخالدي تقرا مابين السطـور=والعفون الرديه لاتجي حولهـــــا

شريف الخالدي

باللوازم تبين اسباعها والنمـــور=والثعالب تروغ وتسحب اذيولهــــــا
كل شجره ثمرها ينتمي للبذور=ومن زرع زرعت(ن) يذوق محصولها

مقبل الرماحي

وانت صادق تبي قرم(ن) شجاع(ن)غيور=والبشر تختلف يالقرم بعقولها
خذ عبر من زمانك والليالي تـدور= ولاتهمك اخشاش الناس واخبولها

شريف الخالدي

راحو اهل المواقف في تذاكر عبور=مابقي غير ناس(ن) ترقع اطبولها
جعلك سالم يامقبل من جميع الشرور=يالصديق الوفي بعرضها وطولها

مقبل الرماحي

كم فقدنا من الاصحاب وسط القبور= ياطــرولي تهل العين هملولها
لاتذكر خويك بالسنه والشهـور = ثم يذكر اصحاب(ن)ن شد مرحولها

[محمد بن دوهان]

يا هلا وألفٍ هلا ومية ترحيبه ..

يعلم الله بمقدار فرحتي وسعادتي عند رؤية إسمك يا عزيزي ، بشرني عنك عساك بخير وجميع العزوة والأهل والقرايب ..

نسأل ولي الكون عز وجل أن يرحم جميع أموات المسلمين ويرحمنا برحمته إلى ما سرنا إلى ما ساروا إليه ..

وصح لسانك وبنانك أخي العزيز أبو سعد ولسان الشاعر الفاضل شريف الخالدي وبيض الله وجيهكم حيشا عيونكم على هذه الروائع التي عبرتم بها عن حال الناس في هذه الأيام ..

ولسان حال الناس يا أبو سعد اليوم ولا يهونون الربع تمثّل لنا بقول الشاعر الرويلي حين قال :


يالولا حكم آل سعودي = بالسيف وخشم البارودي
كلن لعكره يعودي = يعود وينكس لكاره

نسأل الله أن يديم عزه وتوفيقه لخادم الحرمين الشريفين وهذه الأسرة العزيزة والمباركة أعزها الله والذين ساروا على نهج وديدن والدهم الذي حكم بكتاب الله وسنة رسوله صلى الله عليه وسلم وأخضعوا العصاة وجعلوهم يستبدلون سيوفهم بالمساويك ..

ولنا بقول الشاعر الآخر عبرة وعظه حين قال :

ربعك ليا من شفتهـم صـاروا أحـزاب=وتــشــاوروا بــالــرآي والـعـلــم دونــــك
لا تـبـدي بـرايـك عليـهـم ولـــو صـــاب=لو صحت بأعلى الصوت مايسمعونك
ومـن لاحسب لـك لاتسـوي لـه حـسـاب=لو كان يسوى وحدةٍ من عيونـك


ونسأل الله عزيز الجلال بعزته وقدرته وجلاله أن يديم علينا وإياكم يا عزيزي ستره وعفوه ورحمته ورضاه فوق الأرض وتحت الأرض ويوم العرض ..

وصح الله لسانك ولسان الأخ والزميل شريف الخالدي حتى ترضون ..

محبكم ..

[مقبل الرماحي]

دمت بخير اخوي ابو عبدالعزيز وبارك الله فيك وتحيات لك اخي الغالي

[منصوربن عبدالرزاق الفاعور]

صح الله لسان الشاعر مقبل الرماحي والشاعر شريف الخالدي ويعطيكم العافيه