محمد الطرقي و سالم محمد المسدر

[محمد الطرقي]

محمد الطرقي=
ياسالم ابن محمد ابن فليج حركت الشجون = وذكرتني في قصة ٍ صارت وانا من ابطالها
من بعدها قمت اكتب الآشعار واعزف بالحون= واللعب على كل الطروق الينعزف موالها
سالم محمد=
يامحمد الطرقي هلا باللي صديق مايخون =قلبك خضر ياصاحبي دامة يهمك حالها
مبطي وانا بدرب الهوى عزاة يالقلب الحنون =راحت ولا ودعتها واصبح صعيب وصالها
محمد الطرقي=
أهل الهواء ياصاحبي بأهل الهواء مايجهلون = واللي برك لكبر حموله لابرك يشتالها
ابي انصحك خلك صبور ولا يجي عقلك جنون= لاتنهبل من قبل خلق الله تشوف اهبالها
سالم محمد=
نصيحتك عين العقل مير البلا دمع العيون =يبكي بصمت اللي عشق لو مانزلت يرقالها
ياصاحبي لامن طرت منهي على روحي تمون =احس بأن الناس في صوب وهي بلحالها
محمد الطرقي=
انا اعرف أن أهل الهواء ياصاحبي مايعذلون = لو البشر تنصح لهم ماياخذون اقوالها
نصيحتي باقولها تكون والا ماتكون = اما تجي في حلها والا تروح بفالها
سالم محمد=
مدري ولكن يابعدي حالي مثل حال البدون =فاقد وطن ياصاحبي وحالة ترى يرثالها
ماشفتها لية زمن وغلاي مدري وش يكون =مدري تبيني او نست واولة على مرسالها
محمد الطرقي=
الله يجيب الخير ياسالم وهونها تهون = وياعل من بعد البطى تحصل على جوالها
وعسى البدون من الجماعه للحفيظه ياخذون = وأم العيال اللي بدون يجنسون عيالها

[محمد بن دوهان]

الله يكون بعون العاشقين ..
صح لسانك يا أبو يوسف ولسان بن مسدر ولا هآن منطوقكم ..


أما البدون فسيكونون ناراً تصطلي على من خان بهم وغدرهم في هذه الحياة الدنيا ، فلا يوجد بشر آتٍ من الفضاء الخارجي وكل شيء وله أصل في هذه الدنيا حتى الحيوانات والمواشي معروف أصلها فما بآل هذه الفئة يظلمها من أعطاه الله القدرة في هذه الدنيا وتسلط بالظلم والبغي والعدوان على أخيه الإنسان ..

[ابو شامه]

محاورة رائعه وفي غاية الرقي والرمنسيه وصح لسان الشاعر محمد الطرقي والشاعر سالم محمد

[محمد الطرقي]

الله يكون بعون العاشقين ..
صح لسانك يا أبو يوسف ولسان بن مسدر ولا هآن منطوقكم ..


أما البدون فسيكونون ناراً تصطلي على من خان بهم وغدرهم في هذه الحياة الدنيا ، فلا يوجد بشر آتٍ من الفضاء الخارجي وكل شيء وله أصل في هذه الدنيا حتى الحيوانات والمواشي معروف أصلها فما بآل هذه الفئة يظلمها من أعطاه الله القدرة في هذه الدنيا وتسلط بالظلم والبغي والعدوان على أخيه الإنسان ..



صح الله بدنك يابو عبد العزيز كل الشكر لك
وافر التقدير

[محمد الطرقي]

محاورة رائعه وفي غاية الرقي والرمنسيه وصح لسان الشاعر محمد الطرقي والشاعر سالم محمد

صح الله بدنك يالغالي وافر التقدير