:: أبو زويد السنجاري وأشعاره الخالده ::

[محمد بن دوهان]

قم سـو يـاراع المعاميـل فنجـال=كيفٍ اليا جا الراس يجلي عماسه
قالوا تسير قلت مامن فضـى بـال=دورٍ على الأجواد مـا فيـه أناسـه
أشوف دنياً ياعـرب شيلهـا مـال=امنيـن ماعدّلتهـا مــا تـواسـه
قامت لصاع المنكر النـاس تكتـال=ودلّت تبـاع الجوهـره بالنحاسـه
هذا زمـانٍ مـن قوافيـه أنـا ذال=وقتٍ به الحصنـي يـدور الفراسـه
ياحيف يالباسـة الجـوخ والشـال=قامت تفرسهـم عيـال البساسـه
راع الجحش شرهٍ على طرح خيـال=متحـزمٍ فوقـه بـدرعٍ وطـاسـه
ياراعي الخصرين والطـوق وهـلال=اللـي بخدينـه نضيـفٍ لعـاسـه
اصبر وعند الله تصاريـف الأحـوال=والناس مرجعها علـى بنـي ساسـه

إنتهت الأبيات......

هذه للمرحوم بإذن الله تعالى الشاعر الكبير أبو زويد السنجاري الشـمري رحمة الله عليه رحمةً واســعة.

وأدام الله لكم العز والمحبة يا أهل العرفا

اخــوكــم

أبو عبدالعــزيــز بن دوهــان

[سليمان الخرس]

الله يرحمه ويرحم اموات المسلمين

قصيده لها وزنها ياابن دوهان
ماتجيب الا الجزله حفظك رب العباد على طاعته

[محمد بن دوهان]

اللهم امين

نساله بعزته وجلاله ان يرحم موتانا وموتى المسلمين اجمعين

والشرف لي بمرورك

اخوك

ابو عبدالعزيز

[منصوربن عبدالرزاق الفاعور]

يعطيك الله آلف عافيه النقل أكثر من رائع

[عبدالعزيز المعني]

اختيار موفق للقصيده يعطيك العافيه

لك مودتي00000000000

[محمد بن دوهان]

الأحبة وأعز خلق الله ..

كل الشرف والرفعة لي برؤية أساميكم وأحرفكم يـا أهل العرفا ..

فدمتم بالهمة الشماء والرفعة والعلياء .. ولكم مني كل الإجلال والمحبة والوفاء..

محبكم والفخور بكم ..

اخوكم

أبو عبدالعـزيز الدوهـان

[محمد بن دوهان]

عودة ً لأشعار أبو زويد السنجاري رحمة الله عليه وعلى أموات المسلمين أجمعين..

قال أبـو زويد :


يا راكب اللي للفيافي نموطى=سربال دَوّنْ ما تليش بنوبه
حمراً حقبها للملوّح ينوطى=يشوق قطاع الخرايم ركوبه
ملفاك إخو عليا صبيٍ شموطى=كم عقلة ٍ ورّد هل الهجن صوبه
غمرٍ غزيرٍ لابته كلّ موطى=سبّر لهن حبر إلى ما غدوا به
إن عقّدوا بأرقابهن الخيوطى=غزايزه تمشي وحد ما شقوا به
فإن ثآر سوّ الملح مثل الشخوطى=يسوق عمره للنشاما جلوبه
لا يا بعد خطو الغلام القنوطى=يبكى إلى جا دهنته طير ذوبه
متى السلوق براس الأقدام يوطى=ومتى تذعذع لا ذواوى هبوبه
يا شوق عمهوج ٍ بخده نقوطى=ترودعه دقّاقة الوشم دوبه
أللي قرونه كسرنّ المشوطى=شقر ٍ عكاريش ٍ تخطّف عقوبه




وإلى لقاء ٍ جديد بمشيئة الله مع هـذا الشاعر الفـحل وأشعاره الـخالدة والبالغة في الوصف والدّقة والمتناقلة من جيل ٍ إلى جيل..



فكونوا بـرعاية اللـه وحفظه.






أبـوعبدالعـزيــز

[طلال الدوامي]

رحم الله الشاعر ابو زويد


وبيض الله وجهك ابو عبدالعزيز


مستمتع بمواضيعك يابعدي

[محمد بن دوهان]

السلام عليكم ورحمة الله وبركاته

أعزائي وإخواني الكرام ، كل ما حدث شيء نتذكر بيت أو بيتان من قصائد هذا الراحل الخالد ، الذي خلدته أشعاره العبقة والنادره التي علقت بصدور الرواة حتى أوصلوها لنا ، فأبو زويد على طليعة أولئك الشعراء الخالدين ، فدعونا نعيش تلك اللحظات التي مرت على أبوزويد حتى قال هذه القصيدة وهو يوصي إبنه دخيّل ، وأترككم مع قصيدته ونصحه له ، حيث قال :-



دخيّل اخذ من والدك لك مساله=مسالةٍ ما يفهما كل رجال
إحشم خويك عن دروب الرزاله=ترى الخوي عند الإجاويد له حال
والمرجله بالك ترخّي إحباله=وبالك تعيل ولا تراخم لمن عال
إن كان ما تدعى على كل قاله=تراك من حسبت هدوم ٍ به ازوال
إن كان دَلوك ما تميحه شماله=ترى الرجال يطوّحونك على الجال
رفيقك الداني إليا شفت حاله=احمل عليك من المعاليق ما شال
ياعلّ رجلٍ عيشته دوب حاله=عسى تدوّر زوجته فيه الأبدال
الحمّره تدوّر معوشة عياله=والا الرجل يبغى منه بعض الأحوال
فإن صار لك من عوص الأنضا زماله=حمرا تورّد بك إليا سرب اللال
تمرس كما تمرس خطاة المحاله=مع ماقعٍ عن مال من جامعه ذال
خله مع الديّان تمشي لحاله=إن كان ما انت إلمسة الخشم حمال
ترى رُبْع مقعدك بالشكاله=يسوى حلالٍ عايشينٍ به أنذال



هذا ما قاله أبو زويد رحمة الله عليه برحمته الواسعة ..

وأترككم أعز خلق الله مع هذه القصيدة ، ولكم مني خالص الدعاء بالتوفيق والهدى والستر في الدنيا والآخرة ..

وإذا حيينا بإذن الله ، سيكون لنا عودة لأبو زويد السنجاري وأشعاره الكريمة ..

اخوكم / أبو عبدالعزيز

[محمد بن دوهان]

ومما قال خلف أبو زويد السنجاري بوصف الجيش والشهامه وطلبه للعلياء وحثه عليها ، رحمة الله عليه:

يا الله يا عالم خفيّات الأسرار=حليم ما تغبى عليك الجحاده
تفرج لقلب ٍ دبّ الأيام محتار=إلى فلت هودٍ جاه يومٍ وزاده
قلب ٍ غدى لمذلّق الشوك محضار=سدرٍ بساتينه وطلح ٍ بلاده
من عقب ذا يا راكبٍ فوق مذعار=ما فوقه الا مزهبه مع شداده
حمرا ً سنا عينه تشادي سنا نار=تلقب كما المشهاب عقب السواده
عين العديم إليا سمع صيحة الجار=وعى، وله عند الملازيم عاده
تلقى فهد وتبلّغه كل الأخبار=العلم كله داخل ٍ في فواده
إن ساعفت دنياك فالحبل جرار=النّفس ما تنسى طواري مراده
ما من قلوب حيل كله بها إعشار=غيبٍ ولا درى ويش حزّة ولاده
تلقح رجالٍ من رجالٍ بالأشوار=وكل بحد السيف ياخذ سداده
سبب لقاحه من مدوّرة الأشرار=لقاح قبسونٍ قمعها زناده
والصبر ما به للفتى كسرة اعبار=لين له الدنيا تبيّن مقاده
إن كان ضيف ٍ ومخطي له على جار=عز الله إنك ناجيٍ من سواده
رعي الزّقيميات في ضلع سنجار=أخير عندي من قعاد الزهاده


إنتهى ما قاله رحمة الله عليه إن شاء الله ..

وإلى لقاء آخر مع أبو زويد في حينه إذا أراد الله لنا ذلك ..