سلام ياماجد الجوال

[محمد الطرقي]

سلام ياماجد الجوال بعد الغياب = اقلط هلا واشرب الدله ومعها حلا

ومن بعدها ابا انشدك عطني صريح الجواب = وشو علاج المريض الياغشاه البلا

[محمد بن دوهان]

السلام عليكم ورحمة الله وبركاته

صـح لسانك وبنانك ياراع العـرفا

عقالٍ على الرآس والله يابو يوسف ولا يـهونون البنـيخي

بانتظار بناخيك وان شاء الله راح نكون من المتابعين لابداعاتكم عسى الله يحفظكم

[سليمان الخرس]

من اولها حاميه

هلابكم يالعرفا وان شاء الله نستمتع معاكم

ماجد وينه؟

[محمد الطرقي]

السلام عليكم ورحمة الله وبركاته

صـح لسانك وبنانك ياراع العـرفا

عقالٍ على الرآس والله يابو يوسف ولا يـهونون البنـيخي

بانتظار بناخيك وان شاء الله راح نكون من المتابعين لابداعاتكم عسى الله يحفظكم

صح بدنك يابو عبد العزيز

تسلم يابعد راسي

الله يسلمك وننتظر البناخي

وكل الشكر لكم

احترامي وتقديري

[محمد الطرقي]

من اولها حاميه

هلابكم يالعرفا وان شاء الله نستمتع معاكم

ماجد وينه؟

اكيد لا زم تكون حاميه من اوله

احترامي لك يالمعاند

[نايف المسيعيد]

صح لسانك ابويوسف وننتظر ماجد

[ماجد بن جوال]

سلام ياماجد الجوال بعد الغياب = اقلط هلا واشرب الدله ومعها حلا

ومن بعدها ابا انشدك عطني صريح الجواب = وشو علاج المريض الياغشاه البلا





بك الهلا كثر ما هل المطر من سحاب=جينا على دعوة اللي كل هرجه هلا

الطب ما قد درست و لا قريته في كتاب=و لا لي ببحر علمه علم دون الملا

[محمد الطرقي]

الغيم لامن نزل للأرض سمي ضباب = والقبس لا مسته شمس الضحا ينجلا

وكثر التجارب تعلم راكبين أركاب= واللي يفكر يعرف العلم لو بلخلا

[ماجد بن جوال]

الغيم لامن نزل للأرض سمي ضباب = والقبس لا مسته شمس الضحا ينجلا

وكثر التجارب تعلم راكبين أركاب= واللي يفكر يعرف العلم لو بلخلا


لو من تفكر تعلم ما حسبنا حساب=و صرنا بياطر بالعلوم بطايلات العلا

و نمشي دروب الجهل و الفكر معنا زهاب=من دون علم نتعلم و نجيب من يسئلا

[محمد الطرقي]

لا تحسب اللي درس بالعلم وصل الصعاب = ماكل من يدرس التعليم له منزلا

الجهل جهل الضمائر كان فيها التهاب = والسكره سكرة ماتشبه الحنضلا

[ابن فليو]

صح الله منطوقك ابو يوسف وصح الله لسان ماجد بن وايل ..

[سليمان الخرس]

صح السنتكم انا اشهد انكم تونسون الواحد لاخلا ولاعدم

[ذيب عنزة]

صح لسان ابويوسف
وصح لسان ماجد بن وايل

[ماجد بن جوال]

لا تحسب اللي درس بالعلم وصل الصعاب = ماكل من يدرس التعليم له منزلا

الجهل جهل الضمائر كان فيها التهاب = والسكره سكرة ماتشبه الحنضلا



الخيط ما خاط وحده طول عمره ثياب=من دون مخيط يفل الخيط ثم يفتلا

ما بين فكر الذهين و غايته الف باب=و العلم مفتاح فكره يفتح المقفلا

[ماجد بن جوال]

المعاند
ابن فليو
ذيب عنزة
نايف المسيعيد


الله يرفع قدركم و يحفظكم يالبنيخي و صحت ابدانك

و الله يقدرنا اننا نكتب ما يرضيكم

[محمد الطرقي]

الخيط ما خاط وحده طول عمره ثياب=من دون مخيط يفل الخيط ثم يفتلا

ما بين فكر الذهين و غايته الف باب=و العلم مفتاح فكره يفتح المقفلا



المخيط اللي يخيط البيت تحت التراب = ياللي على المخيط الفاني تحب الولا

الوقت ذاك انتها لازم تفك الحجاب = مادام ما تاقف أهل الدير مع كربلا

[محمد الطرقي]

صح لسانك ابويوسف وننتظر ماجد

صح بدنك يابن مسيعيد

[محمد الطرقي]

صح الله منطوقك ابو يوسف وصح الله لسان ماجد بن وايل ..

صح بدنك يابو فيصل

[محمد بن دوهان]

والله احجز نفسي عن الكتابة تحجّـز،ولكن شموخ النص يجذبني لأقف إحتراماً لكما

عسى الله يوفقكم ويجمعكم على العز والمعزة

وصح السنتكم

ودمتم بعز ومعزة وبتوفيق من الله .

[محمد الطرقي]

صح السنتكم انا اشهد انكم تونسون الواحد لاخلا ولاعدم

صح بدنك يالغالي وشهادتك وسام لا عدمت

[محمد الطرقي]

صح لسان ابويوسف
وصح لسان ماجد بن وايل

صح بدنك يالغالي

[محمد الطرقي]

والله احجز نفسي عن الكتابة تحجّـز،ولكن شموخ النص يجذبني لأقف إحتراماً لكما

عسى الله يوفقكم ويجمعكم على العز والمعزة

وصح السنتكم

ودمتم بعز ومعزة وبتوفيق من الله .

الله يجزاك كل خير يالغالي

ويرفع الله مقدارك ومعزتك شاكرين مرورك العطر

بارك الله فيك وتقبل

احترامي وتقديري

[ماجد بن جوال]

المخيط اللي يخيط البيت تحت التراب = ياللي على المخيط الفاني تحب الولا

الوقت ذاك انتها لازم تفك الحجاب = مادام ما تاقف أهل الدير مع كربلا





وش جاب هذي لذيه ذي خطا و ذي صواب=لا صار كلن معك و لا نطحك قبلا

ولا شاب بأيمنك اخو و بايسرك اخو شاب=تاقف مع اياتهم و لكل منهم غلا

[سليمان الخرس]

كرذاذ مطر
تنساب كلماتكم ومعانيكم الساميه
لتجبرنا على الوقوف انصاتا لكما

اتمنى ان لايجف نزيفكما ايهما المبدعون

[محمد بن دوهان]

:):):)

سجلني بصفك يابو يوسف بكل ما اعطاني ووهبني الله

ونسأل الله بعزته وجلاله الـهدى والتوفيق لجميع ابناء القبيلة وان يكتب لهم الخير في كل مساعي الخير ....

وين بناخيي وين ابو يوسف ...

[محمد الطرقي]

وش جاب هذي لذيه ذي خطا و ذي صواب=لا صار كلن معك و لا نطحك قبلا

ولا شاب بأيمنك اخو و بايسرك اخو شاب=تاقف مع اياتهم و لكل منهم غلا


لا صار ماتعرف القصه وقسم النصاب = حاول تبعد عن القصه والا تدخلا

اوقف مع الحق لا بين بروس الهضاب= واعز نفسي عن التشهير والمهزلا

[محمد الطرقي]

كرذاذ مطر
تنساب كلماتكم ومعانيكم الساميه
لتجبرنا على الوقوف انصاتا لكما

اتمنى ان لايجف نزيفكما ايهما المبدعون

شاكرين مرورك العذب يالغالي

وان شالله تجدون مايسركم جميعا

احترامي

[محمد الطرقي]

:):):)

سجلني بصفك يابو يوسف بكل ما اعطاني ووهبني الله

ونسأل الله بعزته وجلاله الـهدى والتوفيق لجميع ابناء القبيلة وان يكتب لهم الخير في كل مساعي الخير ....

وين بناخيي وين ابو يوسف ...

يشرفني تكون بصفي يابو عبد العزيز

الله يجزاك كل خير على دعواتك الطيبه

وتقبل احترامي وتقديري

[ماجد بن جوال]

لا صار ماتعرف القصه وقسم النصاب = حاول تبعد عن القصه والا تدخلا

اوقف مع الحق لابين بروس الهضاب= واعز نفسي عن التشهير والمهزلا




لا ناقة(ن) لي بها و لا زمل لي به اناب=و لا لي بهذي عميل و لا بذيك عملا

و لي عين افرق به الماء عن بريق السراب=و ما اعس انا الضول لا شفته و لا أسئلا

[محمد الطرقي]

لا ناقة(ن) لي بها و لا زمل لي به اناب=و لا لي بهذي عميل و لا بذيك عملا

و لي عين افرق به الماء عن بريق السراب=و ما اعس انا الضول لا شفته و لا أسئلا


وانا تراني محايد واترك الاقتراب = اقولها بالصراحه قدم كل الملا

ماني معدل وضاع من الطبيعه خراب= ولاني مربع بدار ٍ من سنين محلا

[ماجد بن جوال]

وانا تراني محايد واترك الاقتراب = اقولها بالصراحه قدم كل الملا

ماني معدل وضاع من الطبيعه خراب= ولاني مربع بدار ٍ من سنين محلا



وش بك تحايدت و اخلفت الخطط و الحساب=و انت الذي تعرف القصه و لا تجهلا

اوقف مع الحق دامه عنك ما قط غاب=لاما مع الحق تدعس غارب الباطلا

[محمد الطرقي]

مادام شيخ العرب جنب سوات العقاب = مايقرب الصيدته والآرض فيها ادهلا

انا باطالع لها والا اقترب للعتاب= ياما اليالي بها ياصاحبي تحبلا

[محمد بن دوهان]

صح لسانك يابو يوسف وجنانك

وعشت ولا هنت فلم تقل الا الحق

وما نطلب من الله الا الهداية والتوفيق لسائر ابناء القبيلة
وان يريهم الحق حقاً ويرزقهم اتباعه
ويريهم الباطل باطلاً ويرزقهم اجتنابه

ودمت
وادامك الله بعز ومعزه وبرعايته ياراع العرفا

[محمد الطرقي]

محمد الطرقي=
سـلام ياماجـد الجـوال بعـد الغـيـاب =اقلط هـلا واشـرب الدلـه ومعهـا حـلا
ومن بعدها ابا انشدك عطني صريح الجواب =وشو عـلاج المريـض الياغشـاه البـلا



ماجد الجوال=
بك الهلا كثر ما هل المطر من سحـاب =جينا على دعوة اللي كل هرجـه هـلا
الطب ما قد درست و لا قريته في كتاب =و لا لي ببحر علمه علـم دون المـلا



محمد الطرقي=
الغيم لامن نزل للأرض سمي ضباب=والقبس لا مسته شمس الضحا ينجلا
وكثر التجارب تعلم راكبين أركـاب=واللي يفكر يعرف العلم لـو بلخـلا




ماجدالجوال=

لو من تفكر تعلـم مـا حسبنـا حسـاب =و صرنا بياطر بالعلـوم بطايـلات العـلا
و نمشي دروب الجهل و الفكر معنا زهاب =من دون علم نتعلم و نجيب مـن يسئـلا



محمد الطرقي=
لا تحسب اللي درس بالعلم وصل الصعاب=ماكل مـن يـدرس التعليـم لـه منـزلا
الجهل جهل الضمائر كان فيهـا التهـاب=والسكـره سكـرة ماتشبـه الحنـضـلا



ماجد الجوال=
الخيط ما خاط وحده طول عمره ثياب =من دون مخيط يفل الخيط ثم يفتـلا
ما بين فكر الذهين و غايته الف باب =و العلم مفتاح فكره يفتـح المقفـلا



محمد الطرقي=
المخيط اللي يخيط البيت تحت التراب=ياللي على المخيط الفاني تحب الولا
الوقت ذاك انتها لازم تفك الحجـاب=مادام ما تاقف أهل الدير مع كربـلا



ماجد الجوال=
وش جاب هذي لذيه ذي خطا و ذي صواب =لا صـار كلـن معـك و لا نطحـك قبـلا
ولا شاب بأيمنك اخو و بايسرك اخو شاب =تاقـف مـع اياتهـم و لكـل منهـم غـلا



محمد الطرقي=
لا صار ماتعرف القصه وقسم النصاب=حاول تبعد عن القصـه والا تدخـلا
اوقف مع الحق لابين بروس الهضاب=واعز نفسي عن التشهير والمهـزلا




ماجد الجوال=
لا ناقة(ن) لي بها و لا زمل لي بـه انـاب =و لا لي بهـذي عميـل و لا بذيـك عمـلا
و لي عين افرق به الماء عن بريق السراب =و ما اعس انا الضول لا شفته و لا أسئـلا



محمدالطرقي=
وانا تراني محايد واتـرك الاقتـراب=اقولها بالصراحه قـدم كـل المـلا
ماني معدل وضاع من الطبيعه خراب=ولاني مربع بدار ٍ من سنين محـلا



ماجد الجوال=

وش بك تحايدت و اخلفت الخطط و الحساب =و انت الذي تعـرف القصـه و لا تجهـلا
اوقف مع الحق دامه عنك مـا قـط غـاب =لاما مع الحـق تدعـس غـارب الباطـلا



محمد الطرقي=
مادام شيخ العرب جنب سوات العقاب=مايقرب الصيدته والآرض فيها ادهلا
انا باطالع لها والا اقتـرب للعتـاب=ياما اليالي بهـا ياصاحبـي تحبـلا

[محمد بن دوهان]

حيـاك الله يـا أبـو يــوسف وصـح لسانـك ولسان الأخ مـاجد ابن جـوّال

سيفـين عـز يا أهـل العرفا ، بـارك الله لنا فيـكـم وبـشعركـم ..

وأطلب من الله العلي القديـر أن يوفقكـم في كل شآنكـم وصلاح أمـركـم .

وأدامكـم بعز ومعزه وبستره فـوق الأرض وتـحت الأرض ويـوم العـرض إنه سـميعٌ مـجيب الدعـاء.

وتقبلا تشرفـي وإفتـخاري بكـما وبـمروري من هـنا ...

اخـوكـم

أبـو عبدالعـزيــز

[محمد الطرقي]

صح لسانك يابو يوسف وجنانك

وعشت ولا هنت فلم تقل الا الحق

وما نطلب من الله الا الهداية والتوفيق لسائر ابناء القبيلة
وان يريهم الحق حقاً ويرزقهم اتباعه
ويريهم الباطل باطلاً ويرزقهم اجتنابه

ودمت
وادامك الله بعز ومعزه وبرعايته ياراع العرفا

صح بدنك يابو عبد العزيز

وعاشت ايامك يالغالي وكل الشكر على دعواتك الطيبه

والله يجزاك كل خير يابو عبد العزيز

[محمد الطرقي]

حيـاك الله يـا أبـو يــوسف وصـح لسانـك ولسان الأخ مـاجد ابن جـوّال

سيفـين عـز يا أهـل العرفا ، بـارك الله لنا فيـكـم وبـشعركـم ..

وأطلب من الله العلي القديـر أن يوفقكـم في كل شآنكـم وصلاح أمـركـم .

وأدامكـم بعز ومعزه وبستره فـوق الأرض وتـحت الأرض ويـوم العـرض إنه سـميعٌ مـجيب الدعـاء.

وتقبلا تشرفـي وإفتـخاري بكـما وبـمروري من هـنا ...

اخـوكـم

أبـو عبدالعـزيــز

الله يبارك فيك يابو عبد العزيز

وصح الله بدنك وكل الشكر لك على دعواتك الطيبه ومرورك المشرف

بارك الله فيك وكثر الله من امثالك يالغالي

وتشريفك محل فخرنا وعتزازنا والله يجزاك خير الجزاء

ودمت كما تحب يابو عبد العزيز