محمد بن دوهان
05-18-2009, 01:27 AM
بسم الله الرحمن الرحيم
أعز خلق الله، السلام عليكـم ورحمة الله وبركاته ...
شاعرنا لـهذا اليوم هو الشاعر الكبير عبدالله الشويش رحمة الله عليه حيث قال في قصيدته الفريده هذه :
ألف أولف من عريبات الأشعار =قولٍ يشادي بالـمثل فلق بحار
من بحر قيلي اليا من جاش تيار=في كاغد القرطاس عدلت الاسطار
اسطار نظمي كنها الدر مثمون=في كف تجار الملا يوم يشرون
عن سوقها كل الخلايق يعجزون=من شافها من جملة الناس يحتار
* * *
البا بديت بحب ظبي العداني=اللي برى حالي وزاد امتحاني
اوجس فراقه بالضماير كواني=والدمع مني فوق الاوجان نثار
نثار من عبراتي اللي اتحدر=مالي مطير يا ملا ذا مقدر
محمل غرامي في هواها تكسر=تكسر البلور ما فيه تجبار
* * *
التـا ترى قلبي براه الهيامي=والعين يا مشكاي عيت تنامي
هلت من الفرقا دموعٍ همامي=من ناظري تشبه للامطار
امطار سِيفٍ والرعد له حنيني=حنين خلجٍ وافردوها الجنيني
بي هبال عقب ماني رزيني=وانا ثقيل العقل ماني بمطيار
* * *
الثـا ثبت حبه وعيّـا يزولي=الجادل اللي للمولع قتولي
يا كيف اسوي في حَسِين الدلولي=اللي علينا بالحكم توّ ما جار
جار الحبيب ولا مشى لي بالانصاف=خشف المها يشبه كما بدر الانصاف
هذاك حوريّ المها عدم الاوصاف=خدّه كما بدر تشعشع بالانورا
* * *
الـجيـم جاوبته وعيّـا يجيبي=يالله يالمطلوب صخّـر حبيبي
يارب يامولاي جعله نصيبي=اللي يوردني على كل الاسرار
اسرار خلي ما بداها لغيري=يابو نهود مثل بيض القميري
توّه صغير وبالجماله نظيري=سبحان ربي صوره ظبي الاقفار
* * *
الـحا حَسٍـين الدل ماله وصيفي=اشوف جيشه باديٍ بالنكيفي
ضليت انا وياه مثل الكفيفي=الشوف راح وصرت انا عمس الابصار
ابصار سبب عشيري عمَـاهنّ=يا كيف اسوي وانا فريدٍ بلا هنّ
كثر البكا نشف من النوح ماهنّ=لو هن من كوكب اليـم قد غار
* * *
الـخا خطف عقلي عذي الثنايا=ابو قصايب يسـهـجن الشطايا
هو مرادي من جميع البرايا=ما اطيع والله كثيرين الاشوار
اشوار عذالي يقولون خله=وانا بعيني سيد روحي محله
يا عزوتي ودّو كتابي يفله=لا كود يصخف لي عقب ذاك الانكار
* * *
الدال درت في جميع المخاليق=وانا سهير العين ما والله اليق
متحيّر وانخى الربوع المطاليق=ما شفت انا احد ثابني من هل الدار
الدار ضيلتي واعز تالي=واحسرتي طالت عليّ الليالي
يارب ترجع لي عصر مضى لي=مع الذي ماله شيبه ولا صار
* * *
الذال ذاري النوم عيّـا يجيني=مالي جدى كود جر الونيني
على حَسِين الدل صافي الجبيني=كني غريق في غزيرات الابحار
ابحار داجن كنها سواد الليل=منها غديت اليوم ياناس بهليل
كله لعين ما فايق الجيب عزيل=من هو غدى قلبه على لاهب النار
* * *
الراء رماني صاحبي واعذابي=الجادل الرعبوب غض الشبابي
اوجس معلوق الحشا يوم ذابي=يا عونة الله ذاك الوصل بار
بار أريش العين ياناس فيّه=اللي عيونه مثل عيون الدميّه
ياليتني ألآه قبل المنيّه=واقطف زهر ما جاز والرب غفار
* * *
الزاء زريف الطول مدعوج الاعيان=اليا قام يمشي صافي الخد دجران
عليه (طـه) (واقترب) وآل عمران=والمائدة حرزٍ من عيون الاشرار
اشرار ما يذكر حديهم وليّه=يالله عساهم كلهم في هبيّه
اهل العلوم الخاينه والرديّه=لعل منهم يا ملأ تفنى الاعمار
* * *
السين سنتين وانا اجيه بالرضا=عداه هواه وحبه اليوم فرضا
ابواسع الارض طولٍ واعرضا=وانوح نوح الورق في روس الاشجار
اشجار قلبي هايفه ما سقاها=ظليت حيران واداري هواها
ان كان لي رب الخلايق هداها=الله كريم يتبع العسر بايسار
* * *
الشين شفت الشمس في جبةٍ له=وحويـجبه يشبه كما السيف سله
ما ذكر خل قبلك انكر بخله=يا سيد روحي قبلك انا شفت الاهوال
ما اسمع ولا اوحي بأريش العين عذال=واللي يلوم المبتلي جعله الزار
* * *
الصاد صاده يوم كثر ملامه=سم الحنيش اللي طويلن سقامه
عساه للنيران يوم القيامه=ويعيش ما بين المخاليق طرار
طرار ما يملك من المال آنه=ما يحرز المنطوق يلوى لسانه
يوم انه اطلق بالعذاله اعنانه=قوله كثير دايم الدوم هذار
* * *
الضاد ضاقت بي الارض الوسيعه=والهم في قلبي تراكم جميعه
بآيا كتاب ذكر وآيا شريعه=يحل قتلي وانا غافلٍ غار
غارن خيل الدهر من كل صوبي=وذابت ضلوعي فيك يازين ذوبي
اليا قلت عن زين الحلايا نتوبي=عرض عليّ الترف بالسوق مرار
* * *
الطاء طواني حب عسل الشفاتي=ابو ثمانٍ ذبّلٍ مرهفاتي
ازريت انا لقواه سيد البناتي=اللي ذوايبها تجي سبعة اشبار
اشبار قده طايلة ما بها قصور=مرباه في غرفٍ رفيعات وقصور
ما شفت انا مثله واظنه من الحور=جلّ الذي سواه رزاق الاطيار
* * *
الظاء ظفه على الحال واسرف=واعزتا للي على الموت اشرف
طفل جميل بالمحاسن تزخرف=بيح بسدي عقب ماني بصبار
صبار لكن المحبة غرابيل=قد عذبت قبلي فحول الرجاجيل
ادعت ضميري يا ملا وصف غربيل=والعقل يالاخوان عن ظامري طار
* * *
العين عيدي جا خلي وليته=والزهر من غصن المودة حويته
لا صوم للمعبود واحح بيته=عامين مايوم بها احل الافطار
الافطار حرمته الين اوفي =نذر عليّ بوصل ناب الردوفي
اللي بحالي مرف ما يروفي=عليه عرضت النوم من كثر الافكار
* * *
الغين غرو كامل الزين مدلول=ماله وصيف بالعماهيج مجهول
لا قام يمشي ساهي العين بحجول=يشبه كما ظبي الفلا ما به انكار
انكار ما بالترف جالي عذابه=اوجست انا باقصى ضميري صوابه
عطيب جرحي ما يفيد الدوا به=لو جبت لي دختر من الهند بيطار
* * *
الفاء فنا اللي فيه مبلا ومفتون=ضليت من فرقاه ياناس مجنون
يذبح بعين وسطها سحر مدفون=واسباب شوفي له ضحى السبت زوار
زوار واردوفه تتله خلافه=سلم عليّ بلين ولطافه
من يوم كلمني وبان انعطافه=فرحت كني حاكم كل الامصار
* * *
القاف قلت الوصل ياسيد روحي=كثر الجفا والصد زيّد جروحي
اسهرت انا العربان من كثر نوحي=وانت مريحٍ في بساتين وانهار
انهار تجري ما رحمت المسكين=حسيبك الله يا سراج المزايين
يومك تواعدني ولا انت موفين=وانا على وصلك شفيقٍ وسهار
* * *
الكاف كدر خاطري في كلامه=اللي كما بدر ظهر في تمامه
لو شافه اللي يلبسون العمامه=ما ظنتي يحيون لو صاروا اخيار
اخيار لو لكن يوم شافوه ماتوا=في طرفت العينين او قيل فاتو
ما هم باول من قتل بالهوى تو=يا ما ذبح ناسٍ هذا له امرار
* * *
اللام لولا اللوم لا شق جيبي=لا واعذابي من فراق الحبيبي
ارجي عسى خلي يجيني قريبي=والا عشيري نازل حول سنجار
سنجار منزله بكبد الشمالي=لو كان هو يدري بما جرالي
جاني على اللي في وصف الغزالي=عمليّةٍ تطوي الفيافي والاقفار
* * *
الـميم ما ظني يجيّب رجايه=يصخف لحالي يختبر في بلايه
يا ناس هو يدري وعنده دوايه=الله يفكه من تصاريف الاقدار
اقدار ياربي عسى ما تصيبه=اللي سباني بالدلول العجيبه
ابو عيون ٍ مثل عين الربيبه=عين الربيبه اللي تهيض ولا طار
* * *
والنون نور كل الافاق بلور=شرق وغرب صاحبي من مها الحور
عليه انا هيضت ما كان محذور=في ظامري زين التماثيل قد صار
صار الجواب وسيرة الحب خلّي=عليه قلبي بين الاضلاع سلّي
وان كان هو غض النهد ما حصل لّي=فخذ وفيه لاته ياعزوتي ثار
* * *
الواو ، واويلي من الزين ويلاه=اللي جرح قلبي بحسنه وحلياه
باقصى ضميري وبقلبي كواياه=والحب ما به بالمخاليق من عار
عار الفتى سرق ودرقٍ وخونه=واللي لسانه بالهذر ما يصونه
هذا الذي بالزين ما يذكرونه=الا بهرج الشين شاعت له اخبار
* * *
الهاء ، هواه بلاجي الروح داوي=الله لحد زرع الحشا منه ذاوي
لو كان هو ينفع كثير المناوي=كان اتمنى الزين ما غيره اختار
اختار ساهي العين صافي الدليقي=روحي من النقره عليهم تويقي
طرد الهوى نشف لهاتي وريقي=من كثر ما اركض من يمين ليسار
* * *
اليا ، يا سـامك رفيع السموات=تجبر عزا من هو عيونه سهيرات
متوجد ٍ يسكب دموعٍ غزيرات=يدعيك يالمعبود في وقت الاسحار
اسحار تالي الليل واقبل دعاتي=واجعل على الدين الحنيفي مماتي
على النبي أفضل سلام وصلاتي=عدّ الـجراد وعدّ ما طاير ٍ طار
* * *
وسلامتـكـم وأتـمنى أن تـحوز على رضا ذائقتـكم الكريـمة
وأطلب من الـمولى عزيز الـجلال أن يسترنا وإيـاكـم بستره فوق الأرض وتـحت الأرض ويوم العرض .
المصدر عيون من الشعر النبطي
لعبدالله الخالد الحاتم
اخـــوكـم
أبو عبدالعـــزيـــز
أعز خلق الله، السلام عليكـم ورحمة الله وبركاته ...
شاعرنا لـهذا اليوم هو الشاعر الكبير عبدالله الشويش رحمة الله عليه حيث قال في قصيدته الفريده هذه :
ألف أولف من عريبات الأشعار =قولٍ يشادي بالـمثل فلق بحار
من بحر قيلي اليا من جاش تيار=في كاغد القرطاس عدلت الاسطار
اسطار نظمي كنها الدر مثمون=في كف تجار الملا يوم يشرون
عن سوقها كل الخلايق يعجزون=من شافها من جملة الناس يحتار
* * *
البا بديت بحب ظبي العداني=اللي برى حالي وزاد امتحاني
اوجس فراقه بالضماير كواني=والدمع مني فوق الاوجان نثار
نثار من عبراتي اللي اتحدر=مالي مطير يا ملا ذا مقدر
محمل غرامي في هواها تكسر=تكسر البلور ما فيه تجبار
* * *
التـا ترى قلبي براه الهيامي=والعين يا مشكاي عيت تنامي
هلت من الفرقا دموعٍ همامي=من ناظري تشبه للامطار
امطار سِيفٍ والرعد له حنيني=حنين خلجٍ وافردوها الجنيني
بي هبال عقب ماني رزيني=وانا ثقيل العقل ماني بمطيار
* * *
الثـا ثبت حبه وعيّـا يزولي=الجادل اللي للمولع قتولي
يا كيف اسوي في حَسِين الدلولي=اللي علينا بالحكم توّ ما جار
جار الحبيب ولا مشى لي بالانصاف=خشف المها يشبه كما بدر الانصاف
هذاك حوريّ المها عدم الاوصاف=خدّه كما بدر تشعشع بالانورا
* * *
الـجيـم جاوبته وعيّـا يجيبي=يالله يالمطلوب صخّـر حبيبي
يارب يامولاي جعله نصيبي=اللي يوردني على كل الاسرار
اسرار خلي ما بداها لغيري=يابو نهود مثل بيض القميري
توّه صغير وبالجماله نظيري=سبحان ربي صوره ظبي الاقفار
* * *
الـحا حَسٍـين الدل ماله وصيفي=اشوف جيشه باديٍ بالنكيفي
ضليت انا وياه مثل الكفيفي=الشوف راح وصرت انا عمس الابصار
ابصار سبب عشيري عمَـاهنّ=يا كيف اسوي وانا فريدٍ بلا هنّ
كثر البكا نشف من النوح ماهنّ=لو هن من كوكب اليـم قد غار
* * *
الـخا خطف عقلي عذي الثنايا=ابو قصايب يسـهـجن الشطايا
هو مرادي من جميع البرايا=ما اطيع والله كثيرين الاشوار
اشوار عذالي يقولون خله=وانا بعيني سيد روحي محله
يا عزوتي ودّو كتابي يفله=لا كود يصخف لي عقب ذاك الانكار
* * *
الدال درت في جميع المخاليق=وانا سهير العين ما والله اليق
متحيّر وانخى الربوع المطاليق=ما شفت انا احد ثابني من هل الدار
الدار ضيلتي واعز تالي=واحسرتي طالت عليّ الليالي
يارب ترجع لي عصر مضى لي=مع الذي ماله شيبه ولا صار
* * *
الذال ذاري النوم عيّـا يجيني=مالي جدى كود جر الونيني
على حَسِين الدل صافي الجبيني=كني غريق في غزيرات الابحار
ابحار داجن كنها سواد الليل=منها غديت اليوم ياناس بهليل
كله لعين ما فايق الجيب عزيل=من هو غدى قلبه على لاهب النار
* * *
الراء رماني صاحبي واعذابي=الجادل الرعبوب غض الشبابي
اوجس معلوق الحشا يوم ذابي=يا عونة الله ذاك الوصل بار
بار أريش العين ياناس فيّه=اللي عيونه مثل عيون الدميّه
ياليتني ألآه قبل المنيّه=واقطف زهر ما جاز والرب غفار
* * *
الزاء زريف الطول مدعوج الاعيان=اليا قام يمشي صافي الخد دجران
عليه (طـه) (واقترب) وآل عمران=والمائدة حرزٍ من عيون الاشرار
اشرار ما يذكر حديهم وليّه=يالله عساهم كلهم في هبيّه
اهل العلوم الخاينه والرديّه=لعل منهم يا ملأ تفنى الاعمار
* * *
السين سنتين وانا اجيه بالرضا=عداه هواه وحبه اليوم فرضا
ابواسع الارض طولٍ واعرضا=وانوح نوح الورق في روس الاشجار
اشجار قلبي هايفه ما سقاها=ظليت حيران واداري هواها
ان كان لي رب الخلايق هداها=الله كريم يتبع العسر بايسار
* * *
الشين شفت الشمس في جبةٍ له=وحويـجبه يشبه كما السيف سله
ما ذكر خل قبلك انكر بخله=يا سيد روحي قبلك انا شفت الاهوال
ما اسمع ولا اوحي بأريش العين عذال=واللي يلوم المبتلي جعله الزار
* * *
الصاد صاده يوم كثر ملامه=سم الحنيش اللي طويلن سقامه
عساه للنيران يوم القيامه=ويعيش ما بين المخاليق طرار
طرار ما يملك من المال آنه=ما يحرز المنطوق يلوى لسانه
يوم انه اطلق بالعذاله اعنانه=قوله كثير دايم الدوم هذار
* * *
الضاد ضاقت بي الارض الوسيعه=والهم في قلبي تراكم جميعه
بآيا كتاب ذكر وآيا شريعه=يحل قتلي وانا غافلٍ غار
غارن خيل الدهر من كل صوبي=وذابت ضلوعي فيك يازين ذوبي
اليا قلت عن زين الحلايا نتوبي=عرض عليّ الترف بالسوق مرار
* * *
الطاء طواني حب عسل الشفاتي=ابو ثمانٍ ذبّلٍ مرهفاتي
ازريت انا لقواه سيد البناتي=اللي ذوايبها تجي سبعة اشبار
اشبار قده طايلة ما بها قصور=مرباه في غرفٍ رفيعات وقصور
ما شفت انا مثله واظنه من الحور=جلّ الذي سواه رزاق الاطيار
* * *
الظاء ظفه على الحال واسرف=واعزتا للي على الموت اشرف
طفل جميل بالمحاسن تزخرف=بيح بسدي عقب ماني بصبار
صبار لكن المحبة غرابيل=قد عذبت قبلي فحول الرجاجيل
ادعت ضميري يا ملا وصف غربيل=والعقل يالاخوان عن ظامري طار
* * *
العين عيدي جا خلي وليته=والزهر من غصن المودة حويته
لا صوم للمعبود واحح بيته=عامين مايوم بها احل الافطار
الافطار حرمته الين اوفي =نذر عليّ بوصل ناب الردوفي
اللي بحالي مرف ما يروفي=عليه عرضت النوم من كثر الافكار
* * *
الغين غرو كامل الزين مدلول=ماله وصيف بالعماهيج مجهول
لا قام يمشي ساهي العين بحجول=يشبه كما ظبي الفلا ما به انكار
انكار ما بالترف جالي عذابه=اوجست انا باقصى ضميري صوابه
عطيب جرحي ما يفيد الدوا به=لو جبت لي دختر من الهند بيطار
* * *
الفاء فنا اللي فيه مبلا ومفتون=ضليت من فرقاه ياناس مجنون
يذبح بعين وسطها سحر مدفون=واسباب شوفي له ضحى السبت زوار
زوار واردوفه تتله خلافه=سلم عليّ بلين ولطافه
من يوم كلمني وبان انعطافه=فرحت كني حاكم كل الامصار
* * *
القاف قلت الوصل ياسيد روحي=كثر الجفا والصد زيّد جروحي
اسهرت انا العربان من كثر نوحي=وانت مريحٍ في بساتين وانهار
انهار تجري ما رحمت المسكين=حسيبك الله يا سراج المزايين
يومك تواعدني ولا انت موفين=وانا على وصلك شفيقٍ وسهار
* * *
الكاف كدر خاطري في كلامه=اللي كما بدر ظهر في تمامه
لو شافه اللي يلبسون العمامه=ما ظنتي يحيون لو صاروا اخيار
اخيار لو لكن يوم شافوه ماتوا=في طرفت العينين او قيل فاتو
ما هم باول من قتل بالهوى تو=يا ما ذبح ناسٍ هذا له امرار
* * *
اللام لولا اللوم لا شق جيبي=لا واعذابي من فراق الحبيبي
ارجي عسى خلي يجيني قريبي=والا عشيري نازل حول سنجار
سنجار منزله بكبد الشمالي=لو كان هو يدري بما جرالي
جاني على اللي في وصف الغزالي=عمليّةٍ تطوي الفيافي والاقفار
* * *
الـميم ما ظني يجيّب رجايه=يصخف لحالي يختبر في بلايه
يا ناس هو يدري وعنده دوايه=الله يفكه من تصاريف الاقدار
اقدار ياربي عسى ما تصيبه=اللي سباني بالدلول العجيبه
ابو عيون ٍ مثل عين الربيبه=عين الربيبه اللي تهيض ولا طار
* * *
والنون نور كل الافاق بلور=شرق وغرب صاحبي من مها الحور
عليه انا هيضت ما كان محذور=في ظامري زين التماثيل قد صار
صار الجواب وسيرة الحب خلّي=عليه قلبي بين الاضلاع سلّي
وان كان هو غض النهد ما حصل لّي=فخذ وفيه لاته ياعزوتي ثار
* * *
الواو ، واويلي من الزين ويلاه=اللي جرح قلبي بحسنه وحلياه
باقصى ضميري وبقلبي كواياه=والحب ما به بالمخاليق من عار
عار الفتى سرق ودرقٍ وخونه=واللي لسانه بالهذر ما يصونه
هذا الذي بالزين ما يذكرونه=الا بهرج الشين شاعت له اخبار
* * *
الهاء ، هواه بلاجي الروح داوي=الله لحد زرع الحشا منه ذاوي
لو كان هو ينفع كثير المناوي=كان اتمنى الزين ما غيره اختار
اختار ساهي العين صافي الدليقي=روحي من النقره عليهم تويقي
طرد الهوى نشف لهاتي وريقي=من كثر ما اركض من يمين ليسار
* * *
اليا ، يا سـامك رفيع السموات=تجبر عزا من هو عيونه سهيرات
متوجد ٍ يسكب دموعٍ غزيرات=يدعيك يالمعبود في وقت الاسحار
اسحار تالي الليل واقبل دعاتي=واجعل على الدين الحنيفي مماتي
على النبي أفضل سلام وصلاتي=عدّ الـجراد وعدّ ما طاير ٍ طار
* * *
وسلامتـكـم وأتـمنى أن تـحوز على رضا ذائقتـكم الكريـمة
وأطلب من الـمولى عزيز الـجلال أن يسترنا وإيـاكـم بستره فوق الأرض وتـحت الأرض ويوم العرض .
المصدر عيون من الشعر النبطي
لعبدالله الخالد الحاتم
اخـــوكـم
أبو عبدالعـــزيـــز